3 bit 5 voschied'n Finkwarder Dracht'n het jeedereen van uns iin' Schapp hang'n. De een Dracht de jeedereen van uns het, is de Festdracht, de anner de Arbeitsdracht van de Fischerlüüd.
Denn givt ober noch de anner'n Arbeits- und Ständedracht'n, as de van 'n Möller, Smidt, Schooster, Schosteenfeger, Lüttdierns (Mägde), Dagleuhner usw. usw., as ook Sünnerdracht'n as ton Bispel de van de Brutlüüd, de Sünndogs-Kark'ndracht, de Ob'ndmohlsdracht, de för Witfroo/-mann ooder de för alle Dog (Alldagsdracht).

Al düsse Dracht'n mokt dat meuglich up de Bühne een Bild van de Tied to moln, as düsse Dracht'n noch allerweg'ns drog'n word'n sünd.

Van düsse Dracht'n givt dat een wunnerscheun Book ("Finkenwerder Trachten") mit een Barg bunte Biller und feine Geschich'n, dat dat bi uns ooder bi de "Spoarkass Stade/Altes Land" to keup'n givt.